Ecohuis, de spesialiest in ’t baaën mee heitskeledden, doe ne wijnkel obben in de Krommeweeë.
Verleden wiekend deeid de firma huere nieë wijnkel obbene vuer ’t gruet publiek.
Ecohuis is al 20 joir doendeg in ‘t Antwirpse. De firma zocht al joirenlank een ideoile lokoissie vuer uek in Uest- en West-Vloinderen ne voet an de grond te krijen. Die lokoissie hen ze nui gevonnen in de Krommeweeë 24b.
“De problemen mee d’energie en mee ’t were jauen de facturen vuer d’energie alsan in d’huegte en doen de mensen van langstom meer uitkijken noir huizen dien bestendeg zijn. Doir wiln me op inspelen mee onze huizen mee heitskeledden. Mee onze nieë wijnkel in Maldegem, op de grenze van Uest- en West-Vloinderen, hemme een ploitse gevonnen vuer onze huizen in Uest- en West-Vloinderen te promodden”, leidege Gert Moirtens, den directeur van Ecohuis, uit.
Al die g’intresseerd is in ‘t baaën van huizen mee heitskeledden is welgekommen op de Krommeweeë.
PS : lees onze 1000ste Gazette in het Nederlands op:
https://nieuws.adegem.be/wp-content/uploads/2023/01/1000.pdf