Me keume were zonder nadde voeden te krijen deur de Lekvijversweeële wandelen en mee de velo goin reien. Moir da wilt doirom nog nie zeien dat de weeële der nu were op en top goe beiligt!
De reeëne die guellegodsedauen viele zorgdege der vuern dat de Lekvijversweeële uek op sommigte ploitsen onder woider kwamt te stoin. ’t Wierd op sommegte ploitsen zoe irg daaë der niemmer deuregrochte zonder nadde voeden en nadde broekpuiben t’hen.
‘t Winterwere heet der vuern gezorgd dat ‘t hoist niemer gereeënd heet. Doirdeure – en mee enigte kleine drijende wirkskes – ligt de kirkweeële der nui zoe goed of druuë bei, moir da wil nie zeien dat de weeële der nui were lijk een juweelke beiligt: omme hem vergelijken mee de wandelpad diet overloist op ’t nieuw industriepark angeleid is, tons komt de Lekvijversweeële der nie zoe goed uit.
Schepenen Danny Vannevel (N-VA) liet ons weden da zijn volk op d’huegte is van da probleem en dat der van da ’t were een beetje te doen is gewirkt goit worn an de weeële.
PS : lees onze 1000ste Gazette in het Nederlands op:
https://nieuws.adegem.be/wp-content/uploads/2023/01/1000.pdf